वि.सं.   मङ्लबार, साउन २९, २०७५   तदनुसार  14 August 2018

गजल : सरल कसरी हुन सक्छ ? [डि.बि. रास्कल]

        डिबी रास्कल   |   प्रकाशित मिति: शनिबार, फाल्गुन १२, २०७४ ।    
  • डि.बि. रास्कल

अभावै अभावको जिन्दगी सरल, कसरी हुन सक्छ ?
कोहि नबसी दिलभित्र हलचल, कसरी हुन सक्छ ?

यो दिल हो प्रिया मेरो दिल, दिलभित्र तिमी छ्यौ,
दिल, मौसम जस्तै फेरबदल, कसरी हुन सक्छ ?

आफ्नै मान्छेले भित्रभित्रै विष खेती गर्‍यो कि,
मेरो प्रत्येक प्रयास असफल, कसरी हुन सक्छ ?

सायद मनमा छुरा रोपेर गएको होला कसैले नत्र,
उसको हातमा सरावको बोतल, कसरी हुन सक्छ ?

कसरी व्याख्या गरुँ हँरु मेरो समस्या नै तिमी हौ,
तिमी बिनाको यो समस्या हल, कसरी हुन सक्छ ?

बर्दिया ।

प्रतिक्रिया दिनुहोस्: