वि.सं.   शनिबार, अशोज ६, २०७५   तदनुसार  22 September 2018

बढैयाताल गाउँपालिकालाई बालविवाह मुक्त घोषणा गर्ने साझा प्रतिबद्धता

        बर्दिया अनलाईन   |   प्रकाशित मिति: बुधबार, भदौ २०, २०७५ ।    

सोम गुरुङ/बढैयाताल (बर्दिया) ।
बढैयाताल गाउँपालिकाले ४ वर्ष भित्र बालविवाह मुक्त गाउँपालिका घोषणा गर्ने प्रतिबद्धता जनाएको छ । बढैयाताल गाउँपालिकाका अध्यक्ष लाल बहादुर श्रेष्ठले “बाल विवाह अन्त्य गर्न सम्भव छ”  भन्दै आफनो कार्यकालको ४ बर्ष भित्र बढैयाताल गाउँपालिकाको सम्पूर्ण ९ वटै वडालाई बालविवाह मुक्त घोषणा गर्ने साझा प्रतिबद्धता जनाए । कार्यक्रमको प्रमुख अतिथि समेत रहेका गाउँपालिका वडा अध्यक्ष श्रेष्ठले बाल विवाह एक जघन्य अपराध भएकोले यसलाई निर्मुल पार्नु पर्नेमा जोड दिए ।

त्यसैगरी वडा नं. १ का वडा अध्यक्ष शेर बहादुर थापाले बाल विवाह रोक्नलाई सबै एकजुट हुनुपर्ने बताए । सो कार्यक्रमको विशिष्ट अतिथि बाल विवाह निर्मुल परियोजनाका परियोजना संयोजक चक्रराज गिरीले बाल विवाहले गर्दा अहिले समाजका घरेलुु हिंसा बढि रहेको बताए । साथै उनले बाल विवाह रोक्नको लागि सम्पूर्ण सरोकारवाला निकायहरु सक्रिय भएर लाग्नुपर्नेमा जोड दिए ।

कार्यक्रममा बोल्दै बढैयाताल गाउँपालिकाका उपाध्यक्ष दिपा कुमारी गौतमले “बाल विवाह अन्त्य गर्न सम्भव छ” भन्दै बढैयाताल गाउँपालिकालाई बाल विवाह मुक्त बनाउने साझा प्रतिबद्धता वाचन गरेर प्रतिबद्धता समेत  जनाईन् । बढैयातालमा एकपात लक्जम्वर्गको आर्थिक सहयोग र आवाज संस्थाको सक्रियतामा बाल विवाह निर्मुल परियोजना सन्चालन भईरहेको छ ।

प्रतिक्रिया दिनुहोस्: