वि.सं.   सोमवार, अशोज ९, २०७४   तदनुसार  25 September 2017

बर्दियामा गिद्ध सचेतना दिवस मनाईयो

          |   प्रकाशित मितिः शनिबार, भदौ १८, २०७३     ::: 522 पटक पढिएको   |  

एसएलसी परिक्षामा सर्बोत्कृष्ट अंक ल्याएका उपेन्द्रलाई निकुञ्जद्धारा ५ हजार 



भावुक योगी/ भदौ १८


आठौं अन्र्तराष्ट्रिय गिद्ध सचेतना दिवस बर्दियाको ठाकुरद्धारामा विविध कार्यक्रम गरी मनाइर्एको छ ।

बर्दिया निकुञ्ज नजिक बर्दिया टाइगर रिसोर्ट ठाकुरद्धारामा गिद्ध संरक्षण सम्बन्धि अन्तर्कि्रया कार्यक्रम पश्चात निकुञ्ज गेटबाट र्याली निकाली ठाकुरद्धारा बजारको बाघ चोक परिक्रमा गरीएको नेपाल पंक्षी संरक्षण संघका सचिव राजन चौधरीले जानकारी दिनुभयो । पशुचौपायको उपचारमा डाइक्लोफेनाक सोडियमको प्रयोगले गिद्धहरुको बिनाश हुने भएकाले डाइक्लोफेनाक प्रयोग पुर्ण रुपमा प्रतिबन्ध गरी गिद्ध तथा वातावरणलाई पुर्ण रुपमा फाइदा पुरयाउनका लागि मेलोक्सिक्याम औषधीको प्रयोग गरौँ, प्रकृतीका कूचीकार गिद्धहरुको दिर्घकालिन संरक्षण गर्दै सम्पुर्ण जैबिक बिबिधता संरणमा टेवा पुरयाउँ भन्ने उद्धेश्यका साथ गिद्ध सचेतना दिवस मनाईन्छ ।
गिद्ध सचेतना दिवसको असरमा बर्दिया राष्ट्रिय निकुञ्जका प्रमुख संरक्षण अधिकृत रमेश थापाले निकुञ्जको मध्यवर्ती क्षेत्र अन्र्तगतका सामुदायिक विद्यालयबाट २०७२ सालको एसएलसी परिक्षामा सर्बोत्कृष्ट अंक ल्याएका उपेन्द्र शाहीलाई संरक्षण प्रोत्साहन स्वरुप ५ हजार रुपैँया प्रदान गर्नुभएको छ ।
गिद्ध संरक्षणका लागि पशुमा लगाईने डाइक्लोफेनाक औषधीको प्रयोग नगरी मेलोक्सिक्याम प्रयोग गर्न, गिद्धका बासस्थान सिमल, साज, लगायत रुखको संरक्षण र मरेका पशुचौपायको सिनो समुदायलाई असर नपर्ने गरी गिद्धले सजिलै भेटन सक्ने खुल्ला ठाउँमा फाल्न बर्दिया प्रकृती संरक्षण क्लबका अध्यक्ष राम बहादुर शाहीले आग्रह गर्नुभयो । गिद्ध संरक्षण सम्बन्धि बर्दिया प्रकृती संरक्षण क्लब र नेपाल पंक्षी संरक्षण संघको सहयोगमा गिद्ध संरक्षणको काम बर्दियामा भईरहेको छ । 
हरेक वर्ष सेप्टेम्बर पहिलो साता गिद्ध सचेतना दिवस मनाईने गरीन्छ । बिगतका वर्षको तुलनामा गिद्धको संख्यामा बृद्धि भइरहेको बर्दिया प्रकृती संरक्षण क्लबले जनाएको छ । नेपाल पंक्षी संरक्षण संघको आर्थिक सहयोगमा बर्दिया प्रकृती संरक्षण क्लबको आयोजनामा गिद्ध संरक्षण सम्बन्धि विविध कार्यक्रम गरी आठौं अन्र्तराष्ट्रिय गिद्ध सचेतना दिवस मनाईएको हो ।
News &Views
प्रतिक्रिया दिनुहोस्