वि.सं.   आइतवार, पुस १, २०७५   तदनुसार  16 December 2018

हात्तीपाइले रोग विरुद्धको औषधी खुवाउने अभियान सुरु, २५ जिल्लामा औषधी खुवाईँदै

        बअ सम्बाददाता   |   प्रकाशित मिति: शनिबार, चैत्र ५, २०७३ ।    

भुरिगाउँ, बर्दिया ।
हात्तीपाइले रोग विरुद्धको औषधि खुवाउने अभियान शनिबारबाट सुरु भएको छ । शनिबार, आइतबार र सोमबार तिन दिन बर्दिया, बाँके, दाङ, सुर्खेत, कैलाली, कञ्चनपुर, अछाम लगायतका २५ जिल्लामा औषधी खुवाइनेछ ।
यस्तै आउँदो १७ गतेदेखि १९ गतेसम्म झापा, मोरङ, सुनसरी, उदयपुर र कपिलवस्तुमा औषधी खुवाइने सरकारले  जनाएको छ । दुई चरणमा खुवाइने हात्तीपाइले रोग विरुद्धको औषधी ढुक्क भएर खान सरकारले आग्रह गरेको छ ।
हात्तीपाइले रोग विरुद्धको औषधी खान धेरैजनाले आनाकानी गर्ने गरेको पाइएपछि स्वास्थ्य मन्त्रालयले यस्तो आग्रह गरेको हो । तर यो औषधी दुई वर्ष नपुगेका केटाकेटी, गर्भवती र ७ दिनसम्मका सुत्केरी, तथा सिकिस्त बिरामीले भने खान नहुने मन्त्रालयले जनाएको छ । अरु व्यक्तिले खानासँगै वा खानापछि यो औषधी खान सक्छन् ।
स्वास्थ्यकर्मी वा घर घरमा औषधी खुवाउन पुगेका स्वास्थ्यकर्मीसँग आफ्नो स्वास्थ्यका बारेमा जानकारी गराएर औषधी खान हुने नहुने बारे जानकारी लिन पनि मन्त्रालयले आग्रह गरेको छ । हात्तीपाइले रोग क्युलेक्स जातको संक्रमित पोथी लामखुट्टेले टोक्दा लाग्ने गर्दछ ।
हात्तीपाइले शारीरिक अशक्त र अपांग बनाउने सरुवा रोग हो ।

प्रतिक्रिया दिनुहोस्: