वि.सं.   सोमवार, जेष्ठ ७, २०७५   तदनुसार  21 May 2018

पद्‍मावतीले अन्ततः पायो सेन्सर बोर्डबाट अनुमति

        बर्दिया अनलाईन   |   प्रकाशित मिति: आइतवार, पुस १६, २०७४ ।    

भारतमा महिनौंदेखि विवादमा परेको सञ्जय लीला भंसालीद्वारा निर्देशित चलचित्र चलचित्र पद्‍मावतीले प्रदर्शनका लागि अन्ततः सेन्सर बोर्डबाट अनुमति पाएको छ।
भारतमा महिनौंसम्म चलेको विवाद, विरोध प्रदर्शन, राजनीतिक टीकाटिप्पणी र प्रदर्शन गर्ने मिति सारेपछि अन्ततः सञ्जय लीला भंसालीद्वारा निर्देशित चलचित्र पद्‍मावतीले सेन्सर बोर्डबाट अनुमति पाएको छ।
समाचार संस्था पीटीआइका अनुसार सेन्सर बोर्डले नाम परिवर्तन गरेर पद्‍मावत राख्न सुझाव दिएको छ। सेन्सर बोर्डले चलचित्रका केही दृश्यहरु हटाउन आदेश पनि दिएको छ। तर सो चलचित्रसँग सम्बन्धित विवाद सकिएको छैन।

Photo Source: Google

सिफारिस
उक्त चलचित्रको विरोध गर्दै आएको करणी सेनाले सेन्सर बोर्डको आदेशपछि पनि खुशी देखिएको छैन। करणी सेनाका संरक्षक लोकेन्द्र सिंह कावलीले भनेका छन्- पद्‍मावतीको वंशज र राजपरिवारसँग सम्बन्धित अन्य ६ जनालाई पनि सेन्सर बोर्डले उक्त चलचित्र देखाएको छ, उनीहरुको राय लिएर मात्रै करणी सेनाले भावी कदम चाल्नेछ।
६ जनामध्ये तीनजनाले सो चलचित्रमाथि रोक लगाउन सिफारिस गरेको आफूले जानकारी पाएको कावलीले बताए।
उनले भने, “रोक लगाउन सिफारिस गर्नेमा पूर्व राजपरिवारका अरविन्द सिंह, इतिहासकार चन्द्रमणि सिंह र के के सिंह छन्, मैले तीनजनासँगै कुरा गरेको छु र सबैले रोक लगाउनुपर्ने सुझाव दिएका छन्।” सेन्सर बोर्डको निर्णयपछि सामाजिक सञ्जालमा पनि उक्त विषयले निकै चर्चा पाएको छ।
ट्वीटर प्रयोगकर्ताले सेन्सर बोर्डको प्रस्तावमाथि प्रश्न उठाएका छन्।

तथ्य
पद्‍मावती चलचित्रको पोस्टरको एउटा नक्कली तस्वीर ट्वीटरमा चर्चित भएको छ।
त्यसमा दीपिकाको तस्वीरको सट्टा रनवीर सिंहको तस्वीर राखिएको छ। भायकम १८ मोशन पिक्चर्सद्वारा निर्मित उक्त चलचित्रलाई दिएर पछिल्लो समय निकै विवाद भइरहेको छ। पूर्वनिर्धारित तालिका अनुसार यही डिसेम्बर १० तारिखमा उक्त चलचित्र प्रदर्शन हुने तय भएको थियो तर बोर्डलाई पठाइएको निवेदनमा प्राविधिक त्रुटि भएको भन्दै सेन्सर बोर्डले फिर्ता पठाएको थियो।
प्रदर्शनकारीहरुले उक्त चलचित्रमा महारानी पद्‍मावतीसँग सम्बन्धित ऐतिहासिक तथ्यलाई तोडमोड गरेर प्रस्तुत गरिएको दाबी गर्दै आएका छन्।
निर्देशक भंसालीले जारी विवादबारे स्पष्टीकरण दिँदै भनेका छन्, “म रानी पद्‍मावतीको कहानीबाट सधैँ प्रभावित रहिआएको छु, यो चलचित्र उनको वीरता र बलिदानप्रति नमन गर्दछ।”
बिबिसी नेपालीबाट

प्रतिक्रिया दिनुहोस्: